WOW!
Wat ’n wonderlike inisiatief van ’n groep Christen-rolprentmakers.
Faith like potatoes is die eerste van ’n hele
paar inspirerende rolprente deur die produksiemaatskappy Global
Creative Studios. Hulle volgende rolprent waarna ons kan
uitsien, is The Hansie Cronjé Story, wat baie
binnekort in ons bioskope vertoon gaan word.
Faith
like potatoes vertel die verhaal van Angus Buchan, 'n boer
van Skotse herkoms, wat uit Zambië na Suid-Afrika immigreer
met die hoop om 'n bestaan te maak in Kwa-Zulu Natal.
Dit
beeld op 'n baie realistiese en aangrypende manier uit hoe geloof
in God die Buchan-gesin help om staande te bly te midde van
armoede, swaarkry, natuurrampe en politieke twis.
Daar
word baie verskillende relevante temas aangespreek, maar een
tema wat sentraal staan, is geloof. En aangesien hierdie rolprent
'n ware lewensverhaal vertel, laat dit mens, nadat jy dit gekyk
het, baie nadink oor die sterkte van jou eie geloof, en in hoe
mate jy jou vertroue in God stel.
Doen
jouself 'n guns en gaan kyk Faith like potatoes. Eerstens
is dit 'n eg Suid-Afrikaanse rolprent wat ons alreeds 'n goeie
rede gee om dit te ondersteun. Tweedens is dit egter ook 'n
uiters verrykende, Christelike rolprent wat jou na die tyd goed
laat nadink. Anders as met Amerikaanse of ander internasionale
films wat in ons bioskope verskyn, kan ek en jy elkeen met die
karakters in hierdie rolprent identifiseer, want hulle bly waar
ons bly (in Suid-Afrika) en beleef alles wat ek en jy elke dag
beleef en mee te doen kry (byvoorbeeld rassisme, geweld, armoede
en droogtes).
Geluk
aan Regardt van den Berg en sy span met die rolprent. Ons almal
hier by Kruispad bid hulle seën toe met die volgende
projekte wat hulle gaan aanpak.
-
Adri Breed |
