DIT is moeilik om Remedy, David Crowder* Band se nuutste album mis te kyk met die groot groen mediese kruis op die voorkant. Remedy – 'n baie meer afgeronde album as die vorige twee A Collision en B Collision – is hulle elfde album op die rakke, en hulle het nog geen momentum verloor nie. Alhoewel die lirieke op hierdie album soms te herhalend is, hou hulle dit steeds baie eenvoudig, reguit en op die punt af, en speel hulle met baie elektroniese klanke in hulle musiekstyl wat wissel van energievolle Pop/ Rock met Can You Feel It? en We Won't be Quiet tot rustige ballades soos Surely We Can Change. Daar is ook 'n verwerking van die tradisionele O, For A Thousand Tongues To Sing. Remedy is nou nie juis 'n album wat die wêreld gaan verander nie, maar dit is tog die moeite werd om in jou CD-versameling te hê.
- Stefan Grobler